...
وسقا الله لما كانت أغلى لعبة بـ 5 ليرات وما تصح لأي حدا، كنا أنا وأختي نحلم نشتري بيت الباربي بس طلع حقه 36 دينار وولا حتى فكرنا إنّا نطلبه من أبوي لأنّا عارفين شو يعني 36 دينار، اليوم أخوي بفاصل على مواصفات الـ PlayStation 3 اللي بده اياها وعادي أبوي حط مش 36 دينار، لأ 360 دينار واحنا بنضحك، عشان بالآخر يصير أخوي قد البرميل ويستحي كل ما حدا يحكيله مرحبا.
وسقا الله لما كانت المعلمة بالمدرسة شخصية الها وزن وقيمة ولما نسمع كلمة اجت المس نركض لأماكنّا ونخاف نتبهدل أو تنقصلنا علامات، اليوم صاروا المعلمين همه اللي يتبهدلوا، أكيد في جاسوسة بغرفة المعلمات بتطلع عالممر وبترجع ركض تحكيلهم "إجوا الطلاب" وكلهم يهربوا ويقعدوا أماكنهم. *
وعلى سيرة المدارس، وبمناسبة العودة إلى المدارس، سقا الله لما كان الكسلان بالصف هو المنبوذ والشاطر هو المحبوب، ولما كانت البنت اللي بتجيب صفر بالإملاء تقعد لحالها بالفرصة (أو تقعد مع اللي جايبة 1.5)، اليوم صار الشاطر Nerd واللي ما بعرف يهجي كلمة فايع وصرنا نتباهى بالجهل وقلة العقل.
وسقا الله لما كان التلفزيون 3 محطات، ومع هيك كنا مبسوطين عليه وما بتذكر إنا عمرنا شكينا منه، اليوم كل واحد عنده شي 3000 قناة (آه زمان كان اسمها محطة بس هلأ صارت قناة) ومش عارف وين يحط وبشكي انه ما في اشي عالتلفزيون ينحضر، معانا حق ما هي عمان الثانية (اللي كانت تحط حلقتين ورا بعض من The Bold and the Beautiful) بطلت تيجي ومش عارفين شو نعمل من بعدها.
وعلى قولة M
* كل الاحترام لجميع المعلمين والمعلمات الحقيقيين في كل مكان، بعرف بكفيهم اللي فيهم.
